Depresyon na Dahil sa isang Medikal na Kundisyon

________________________________________________________________________

MGA PINAKAMAHALAGANG PUNTO

• Ang ilang mga medikal na kondisyon ay maaaring pisikal na maging sanhi ng depresyon, at maging sanhi na makaramdam ka ng lungkot, kawalan ng pag-asa, at hindi interesado sa pang-araw-araw na buhay.
• Ang depresyon ay maaaring matagumpay na magamot sa pamamagitan ng alinman sa therapy, gamot, o pareho. Minsan ang paggamot sa medikal na problema ay nakakatulong sa depresyon.
• Kung ikaw ay nade-depress at pakiramdam na maaaring saktan ang iyong sarili o ang iba, tawagan kaagad ang iyong healthcare provider o therapist.

________________________________________________________________________

Ano ang depresyon na dahil sa isang medikal na kundisyo?

Ang depresyon ay isang kundisyon kung saan ay nalulungkot ka, walang pag-asa, at hindi interesado sa pang-araw-araw na buhay. Maraming medikal na mga problema ang maaaring lumikha ng mga pagbabago sa iyong katawan na nagiging sanhi ng depresyon. Ang ilang mga halimbawa ay sakit sa puso, isang stroke, Parkinson's disease, problema sa hormone, at kanser. Habang bumubuti ang iyong pisikal na kundisyon, ang iyong depresyon ay kadalasang bubuti. Gayunman, kung hindi bumuti ang iyong kalusugan, maaaring magpatuloy ang depresyon.

Ano ang sanhi?

Ang utak ay gumagawa ng mga kemikal na nakakaapekto sa mga pag-iisip, emosyon, at mga kilos. Kung walang tamang balanse ng mga kemikal na ito, maaaring may mga problema sa kung papaano kang mag-isip, makaramdam, o kumilos. Ang mga taong may depresyon ay maaaring may kakaunti o napakarami ng ilan sa mga kemikal na ito. Karamihan sa medikal na problema ay nakakabalisa sa balanse ng mga kemikal sa iyong katawan, tulad ng:

• Sakit sa puso o isang stroke
• Problema sa utak tulad ng Parkinson's disease, Huntington's disease, o traumatic na pinsala sa utak
• Mga problema sa hormone tulad ng mga problema sa thyroid o mga pagbabago sa adrenal gland
• Mga impeksyon tulad ng mononucleosis, hepatitis, o pneumonia
• Kanser

Ang ilang gamot ay maaari rin maging sanhi o magpalala sa depresyon.

Bilang karagdagan sa mga medikal na kundisyon na pisikal na nagsasanhi ng depresyon, maaari ka rin ma-depress tungkol sa pagkakasakit. Maaaring mabawasan ng sakit ang iyong enerhiya, makaramdam na ikaw ay nag-iisa, at baguhin kung papaano mo tingnan ang iyong sarili.

Ano ang mga sintomas?

Bukod sa pakiramdam na parang malungkot at hindi interesado sa mga bagay, maaaring kabilang sa mga sintomas ang:

• Pagiging iritable
• Nagkakaproblema sa pagtulog, paggising nang napakaaga, o pagtulog nang sobra kaysa dati
• Napapansing mga pagbabago sa iyong gana at timbang, pataas man o pababa
• Masyadong pagod na pakiramdam o nanghihina
• Nawawalan ng interes sa sex
• Nakararamdam nang kawalang-kwenta at guilty
• Hindi makapag-isip nang malalim o makatanda ng mga bagay
• Pakiramdam nang kawalang pag-asa o talagang nawawalan ng pakialam sa anumang bagay
• Pag-aalala na hindi na bubuti ang iyong pakiramdam

Papaano itong sinusuri?

Tatanungin ka ng iyong healthcare provider o therapist tungkol sa iyong mga sintomas. Sisiguruhin niya na wala kang problema sa droga o alcohol na maaaring maging sanhi ng mga sintomas. Maaaring hilingan ka na sumailalim sa ilang mga pagsusuri sa laboratoryo para matukoy ang iba pang medikal na problema.

Papaano itong ginagamot?

Ang depresyon ay maaaring magamot nang matagumpay sa pamamagitan ng therapy, mga gamot, o pareho. Minsan ang paggamot sa medikal na problema ay nakakatulong sa depresyon. Bilang halimbawa, ang paggamot sa sakit sa thyroid ay maaaring makatulong sa mga sintomas ng depresyon. Ngunit minsan problema parin ang depresyon pagkatapos gamutin ang medikal na sakit. Paminsan-minsan ang paggamot sa depresyon ay nakakatulong para gamutin ang mga medikal na sintomas. Bilang halimbawa, ang ilang gamot na ginagamit para gamutin ang depresyon ay natutulungan ang mga migraine. Ang paggamot sa depresyon ay maaaring makatulong sa iyo na mabilis na gumaling mula sa stroke o sakit sa puso.

Gamot

Ang mangilan-ngilang klase ng gamot ay makakatulong. Makikipagtulungan ang iyong healthcare provider para piliin ang pinakamainam na gamot. Bago ka uminom ng anumang gamot para sa depresyon, alamin sa iyong healthcare provider para makasiguro na hindi ito mag-i-interact sa mga gamot na iniinom mo para sa iyong medikal na problema.

Therapy

Ang pagpapatingin sa isang therapist sa kalusugan ng pag-iisip ay nakakatulong. Ang cognitive behavioral therapy (CBT) ay isang anyo ng therapy na tumutulong sa iyo na makilala at baguhin ang proseso ng pag-iisip at malaman ang mga paraan upang mas mahusay na makayanan ang stress. Ang pag-aaral ng mga paraan upang palitan negatibong kaisipan ng mas maraming positibo ay maaaring makatulong sa iyong depresyon.

Iba pang paggagamot

Pag-alam sa mga paraan para magpahinga ay maaaring makatulong. Yoga at meditasyon ay maaari rin makatulong. Maaaring gusto mong makipag-usap sa iyong healthcare provider tungkol sa paggamit sa mga pamamaraang ito kasama ang mga gamot at therapy.

May ginawang mga pag-aangkin na ang ilang herbal at mga produktong gawa sa gatas ay nakatutulong kontrolin ang mga sintomas ng depresyon. Ang mga suplemento ay hindi nasusuri o naaalinsunod sa pamantayan at maaaring mag-iba-iba sa mga pagkakabisa at epekto. Maaaring magkaroon ang mga ito ng mga side effect at hindi palaging ligtas. Bago ka uminom ng anumang suplement, siguruhin na hindi nito mapapalala ang iyong medikal na problema, at hindi ito mag-i-interact sa iba pang gamot na iniinom mo. Makipag-usap sa iyong healthcare provider bago mo gamitin ang alinman sa mga produktong ito.

Papaano kong pangangalagaan ang sarili ko?

• Kumuha ng suporta. Makipag-usap sa pamilya at mga kaibigan. Isaalang-alang ang pagsali sa isang grupo ng suporta sa inyong lugar.
• Sundin ang buong takdang panahon ng paggagamot na inirereseta ng iyong healthcare provider. Mahalaga na makipagtulungan sa koponan ng iyong paggagamot. Makakatulong sila sa iyo na harapin ang mga pisikal at emosyonal na epekto ng iyong sakit at mga paggagamot. Kung nais mong itigil ang isang gamot o ibang bahagi ng iyong paggagamot, ipakipag-usap muna ito sa isa sa iyong healthcare provider.
• Maging aktibo. Gumawa ng mga bagay na masisiyahan ka, kahit na hindi mo gusto ang paggawa nito.
• Alamin kung papaanong pangasiwaan ang stress. Humingi ng tulong sa bahay at trabaho kapag sobrang daming gawain ang gagawin. Maghanap ng mga paraan para magpahinga, bilang halimbawa kumuha ng libangan, makinig sa musika, manood ng sine, o maglakadlakad. Subukan ang malalalim na ehersisyo sa paghinga kapag nai-stress ka.
• Pangalagaan ang iyong pisikal na kalusugan. Subukang matulog nang 7 hanggang 9 na oras gabi-gabi. Kumain ng malusog na diyeta. Limitahan ang caffeine. Kung maninigarilyo ka, subukang tumigil. Iwasan ang alkohol at mga droga, dahil maaaring palalain ng mga ito ang iyong mga sintomas. Mag-ehersisyo ayon sa mga itinuturo ng yong healthcare provider.
• Suriin ang iyong mga gamot. Para makatulong maiwasan ang mga problema, sabihin sa iyong healthcare provider at parmasyotiko ang tungkol sa lahat ng gamot, mga likas na remedyo, bitamina, at iba pang suplemento na iniinom mo.
• Kontakin ang iyong healthcare provider o therapist kung mayroon kang anumang katanungan o ang iyong mga sintomas ay mukhang lumalala.

Kumuha ng emergency na pangangalaga kung ikaw o isang minamahal ay may seryosong iniisip na pagpapakamatay o pananakit ng iba.

Para sa higit na impormasyon, kontakin ang:

• National Institute of Mental Health
  866-615-6464
  http://www.nimh.nih.gov/
• Mental Health America
  800-969-6642
  http://www.mentalhealthamerica.net/