Pagtanggal ng Matris Palagos sa Ari ng Babae gamit ang Laparoscopy

________________________________________________________________________

MGA PINAKAMAHALAGANG PUNTO

• Ang vaginal hysterectomy na may laparoscopy ay operasyon na ginagamitan ng iniilawang tubo na may kamerang nakalagay sa isang maliit na hiwa na malapit sa iyong pusod. Pinahihintulutan nito ang iyong healthcare provider na makita ang mga organo. Tinatanggal ang uterus sa pamamagitan ng isang pagputol sa ari ng babae. Maaari mong makuha ang operasyon na ito para gamutin ang fibroids, kanser, pananakit sa pelvic, o abnormal na pagdurog sa ari ng babae.
• Tanungin ang iyong healthcare provider kung gaano katagal ito upang makabawi sa dating lakas ng katawan at kung paano aalagaan ang iyong sarili sa bahay.
• Siguraduhin na alam mo kung ano ang mga sintomas o problema na dapat mong bantayan at kung ano ang gagawin kung mayroon ka nito.

________________________________________________________________________

Ano ang laparoscopically assisted vaginal hysterectomy (LAVH)?

Ang vaginal hysterectomy ay operasyon para tanggalin ang matris palagos sa ari ng babae. Isa itong paraan para alisin palabas ang matris palagos sa isang hiwa sa ari ng babae imbes na palagos sa isang hiwa sa iyong tiyan. Ang mga obaryo o fallopian tube (iba pang bahagi ng katawan ng babae) ay maaari rin tanggalin kapag tinanggal ang matris.

Ang matris (sinapupunan) ay ang matipunong bahagi ng katawan na nasa ibabaw ng ari ng babae. Ang mga sanggol ay lumalaki sa loob ng matris, at ang dugo ng regla ay nanggagaling sa matris. Kung nagkakaregla ka bago ang operasyon, hindi ka na magkakaroon nito pagkatapos ng operasyon. Kung wala ang iyong matris hindi ka na maaaring mabuntis.

Kapag ang vaginal hysterectomy ay tinutulungan ng laparoscopy, gumagamit ang iyong healthcare provider ng kasangkapang tinatawag na laparoscope para makatulong sa pagtatanggal. Ang laparoscope ay isang may-ilaw na tubo na may kamera na inilalagay palagos sa isang maliit na hiwa na malapit sa iyong pusod. Pinahihintulutan nito ang iyong healthcare provider na makita ang mga organo. Kapag ginagamit ang laparoscopy, magkakaroon ka lang ng maliliit na hiwa sa iyong tiyan. Ang ibig sabihin nito ay malamang na hindi ka gaanong masasaktan pagkatapos ng operasyon na ito kaysa kung tinanggal ang iyong matris palagos sa isang mas malaking hiwa sa iyong tiyan, at ang pagpapagaling ay kadalasang mas mabilis. Ang ilang healthcare provider ay maaaring gumamit ng robot para makatulong sa ganitong klase ng hysterectomy.

Ang procedure na ito ay hindi nag-iiwan ng malaking nakikitang peklat. Maaari kang magkaroon ng napaliliit na peklat mula sa 2 o 3 maliliit na hiwa sa iyong tiyan na ginamit para maglagay ng mga kasangkapan papasok sa iyong tiyan.

Kailan ito ginagamit?

Napakaraming dahilan kung bakit maaaring irekumenda ng iyong healthcare provider ang operasyon para tanggalin ang iyong matris. Ang ilan sa mga problema na maaaring magamot sa isang hysterectomy ay:

• Hindi normal na pagdurugo ng ari ng babae na hindi na nakokontrol sapamamagitan ng iba pang paggagamot.
• Ang mga pagtubo na hindi nakaka-kanser na nasa matris ay tinatawag na fibroids
• Ang hindi normal na pagtubo ng mga tissue ng bahay-bata sa labas ng matris (endometriosis)
• Isang matris na bumaba sa ari ng babae at nagiging sanhi ng problema
• Ang mga precancerous o cancerous cell sa balakang (bukana ng sinapupunan) o sa loob ng matris
• Pananakit sa balakang na hindi pa nakokontrol gamit ang iba pang paggagamot

Tanungin ang iyong healthcare provider tungkol sa iyong mga pagpipilian para sa paggagamot at ang mga peligro.

Papaano akong maghahanda para sa procedure na ito?

• Gumawa ng mga plano para sa iyong pangangalaga at pagpapagaling pagkatapos na isagawa mo ang procedure. Maghanap ng isang taong maghahatid sa iyo pauwi pagkatapos ng procedure. Magpalugit nang panahon para magpahinga at subukang maghanap ng ibang tao na tutulong sa iyong pang-araw-araw na mga gawain habang nagpapagaling ka.
• Sundin ang mga tagubilin ng iyong healthcare provider tungkol sa hindi paninigarilyo bago at pagkatapos ng procedure. Ang mga naninigarilyo ay maaaring magkaroon ng mas maraming problema sa paghinga sa panahon ng procedure at mas mabagal maghilom. Mas mainam na tumigil nang 6 hanggang 8 linggo bago sa operasyon.
• Maaaring mong inumin o hindi ang iyong mga regular na gamot sa araw ng procedure. Sabihin sa iyong healthcare provider ang tungkol sa lahat ng gamot at mga suplemento na iyong iniinom. Maaaring itaas ng ilang produkto ang panganib ng mga side effect. Tanungin ang iyong healthcare provider kung kailangan mong iwasan ang pag-inom ng anumang gamot o mga suplemento bago ng procedure.
• Sabihin sa iyong healthcare provider kung mayroon kang mga allergy sa anumang pagkain, gamot o tulad ng latex.
• Sasabihin sa iyo ng iyong healthcare provider kung kailan titigil kumain at iinom bago sa procedure. Nakatutulong ito para hindi ka masuka sa panahon ng procedure.
• Maaaring hilingan ka ng iyong healthcare provider na magpa-labatiba o uminom ng gamot para malinisan ang iyong bituka bago sa procedure.
• Sundin ang anumang ibang tagubilin na ibinibigay sa iyo ng iyong healthcare provider.
• Magtanong ng anumang katanungan na mayroon ka bago sa procedure. Dapat mong maunawaan kung ano ang gagawin ng iyong healthcare provider. Mayroon kang karapatan na magdesisyon tungkol sa pangangalaga ng iyong kalusugan at para magbigay ng pahintulot para sa anumang pagsusuri o mga procedure.

Anong mangyayari sa panahon ng procedure?

Kadalasang isinasagawa ang procedure sa ospital.

Bibigyan ka ng regional o general anesthetic para mapigilan kang makaramdam ng kirot. Ang regional anesthetic ay pinamamanhid ang bandang ibabang bahagi ng iyong katawan habang gising ka. Pinapahinga ng general anesthesia ang iyong mga kalamnan at pinatutulog ka nang mahimbing.

Gagawa nang maliit na hiwa ang iyong healthcare provider na malapit sa iyong pusod. Palolobohin ng carbon dioxide na gas ang iyong tiyan. Tutulungan nito ang iyong healthcare provider na makita ang mga bahagi ng iyong katawan. Maglalagay ng laparoscope ang iyong healthcare provider palagos sa hiwa. Ginagamit ang scope para makita ang matris at ginagabayan ang iba pang kasangkapan palagos sa maliliit na hiwa sa iyong tiyan. Ang iyong provider ay gagawa ng hiwa sa ari ng babae at tatanggalin ang matris palagos sa ari ng babae. Ang mga obaryo o fallopian tubes (iba pang bahagi ng katawan ng babae) ay maaaring matanggal din. Pagkatapos ay tinatanggal ang laparoscope at iba pang kasangkapan at ang mga hiwa sa iyong tiyan ay isinasara.

Kung nabanat ang mga litid at iba pang tissue sa paligid ng ari ng babae mula sa pagkakatanda o panganganak, maaari rin ayusin ng iyong provider ang mga gilid ng ari ng babae. Pagkatapos ay isinasara ang ibabaw ng ari ng babae.

Anong mangyayari pagkatapos ng procedure?

Paminsan-minsan ay maaari kang umuwi sa parehong araw ng iyong operasyon, o maaaring kang manatili sa ospital nang 1 hanggang 3 araw.

Maaaring kailangan mong umuwi na may catheter sa iyong pantog hanggang sa muling gumana nang normal ang iyong pantog. Ang iyong healthcare provider ay magdedesisyon kung kailan maaaring matanggal ang catheter sa panahon ng follow-up na pagpapatingin.

Maaari kang magkaroon ng ilang pananakit, pagduduwal, o pagsusuka pagkatapos na pagkatapos ng procedure. Maaari kang bigyan ng gamot ng iyong healthcare provider para matulungan ang mga problemang ito.

Paminan-minsan ang gas na ginagamit para palobohin ang iyong tiyan ay magiging sanhi ng pananakit sa iyong kanang balikat. Kadalasang nawawala ito pagkatapos ng isa o dalawang araw ng pamamahinga sa higaan.

Ang pagkain ng mga prutas at gulay at pag-inom ng mga ekstrang likido ay maaaring matulungan kang iwasan ang pagtitibi. Ang pagtitibi ay karaniwan pagkatapos ng operasyon dahil sa ilang gamot at kawalan ng galaw. Kung ang diyeta at mga ekstrang likido ay hindi sapat para maiwasan ang pagtitibi, maaaring irekumenda ng iyong provider ang pampalambot ng dumi o isang pampurga. Ipaalam sa iyong healthcare provider kung nagiging isang problema ang pagtitibi.

Kung tatanggalin ang mga obaryo, agad-agad na magsisimula ang menopause kung hindi ka pa nagme-menopause. Ang iyong healthcare provider ay maaaring magreseta ng gamot, tulad ng hormone therapy, para matulungang mapaginhawa ang ilang sintomas ng menopause. Siguruhing pag-usapan ang anumang alalahanin na mayroon ka tungkol sa mga epektong ito at mga paggagamot kasama ang iyong provider bago ng operasyon.

Tanungin ang iyong healthcare provider:

• Gaanong katagal para makapanumbalik sa dating lakas ng katawan
• Kung may mga aktibidad na dapat mong iwasan, kabilang kung gaano kabigat ang maaari mong buhatin, at kung kailan ka maaaring bumalik sa iyong mga normal na aktibidad
• Papaanong pangalagaan ang iyong sarili sa bahay
• Anong mga sintomas o problema ang dapat mong subaybayan at ano ang gagawin kung magkakaroon ka ng mga ito

Siguruhin na alam mo kung kailan ka dapat bumalik para sa isang checkup. Puntahan ang lahat ng appointment para sa pagpapatingin o eksaminasyon ng provider.

Ano ang mga peligro ng procedure na ito?

Ang bawat procedure o paggagamot ay may mga peligro. Ang ilang posibleng peligro ng procedure na ito ay kabilang ang:

• Maaari kang magkaroon ng problema sa anesthesia.
• Maaari kang magkaroon ng impeksyon, pagdurugo, o mga pamumuo ng dugo.
• Maaaring mapinsala ang ibang bahagi ng iyong katawan sa oras ng procedure.

Tanungin ang iyong healthcare provider kung papaanong lalapat sa iyo ang mga peligrong ito. Siguruhin na tatalakayin ang anumang ibang katanungan o mga alalahanin na maaaring mayroon ka.